अमळनेर:- येथील नगरपरिषद प्रशासन भटक्या कुत्र्यांसह ईतर जनावरांना आवर घालण्यासाठी नसबंदी करून बंदोबस्त करण्यासाठी सज्ज झाली आहे मात्र प्राणीमित्र संघटनेच्या विरोध होत असल्याचा खुलासा नपकडून करण्यात आला आहे.
शहरात मोकाट जनावरे सर्रासपने रस्त्यावर वावरताना दिसतात.यामुळे अपघात सह वाहतुकीस अडथळा निर्माण होत असल्याने नागरिक खुपच त्रस्त झाले आहेत.भटक्या कुत्र्यांनी कॉलनी परिसरात अक्षशः उच्छाद मांडला आहे. अलीकडेच एका सहा वर्षाच्या मुलीस भटक्या कुत्र्यांनी चावा घेतल्याने पन्नास टाके पडले.यामुळे शहरातील लहान मुलांसह वृध्द नागरिकांच्या मनात भय निर्माण झाले आहे. अश्या मोकाट कुत्र्या सह जनावरांचा बंदोबस्त करण्यासाठी कलम ८९/९० नुसार पोलिसांना विशेष अधिकार बहाल केले गेले आहेत.मात्र या बाबतीत नगरपरिषद प्रशासन व पोलिस प्रशासन पाहिजे तशी पावले उचलताना दिसत नसून सदर जबाबदारी एकमेकावर ढकलताना दिसते. अश्यातच काही प्राणीमित्र संघटनेच्या माध्यमातून अशी कारवाई करू नये म्हणून नगरपरिषद प्रशासनावर उच्च स्तरावरून दबाव आणला जात आहे.अश्या संघटनेने नागरिकांच्या जिविताचे रक्षण करावे व या मोकाट जनावराचा बंदोबस्त करावा म्हणून मागणी जोर धरू लागली आहे.
प्रतिक्रिया:-
शहरात मोकाट फिरणारे जनावरांचा बंदोबस्त करण्यासाठी युद्ध पातळीवर निविदा प्रक्रिया राबवली जात असून लवकरच कुत्र्यासह मोकाट जनावरे व डुकरांचा नागरिकांना होणाऱ्या त्रासापासून सुटका करण्यास न पा प्रशासन कटिबध्द आहे.मात्र काही प्राणीमित्र संघटनेच्या माध्यमातून असे न करण्यासाठी दबाव येत आहे.
– प्रशांत सरोदे, मुख्याधिकारी
