खेडी व्यवहारदळे येथील घटना, अमळनेर पोलिसात तिघांविरुद्ध गुन्हा…
अमळनेर:- अंगणात गुरे बांधण्याच्या कारणावरून तिघांनी एकाच्या डोक्यात लोखंडी रॉड टाकून जखमी तर महिलेला जखमी केल्याची घटना ११ रोजी रात्री साडे आठ वाजेच्या सुमारास तालुक्यातील खेडी व्यवहारदळे येथे घडली.
महेश भगवान पाटील यांनी विजय भागवत पाटील , भागवत गुलाब पाटील व गुलाब तोताराम पाटील यांना सांगितले की, तुम्ही माझ्या अंगणात गुरे बांधू नका त्याचा राग येऊन विजय याने लोखंडी रॉड महेशच्या डोक्यात टाकला आणि गुलाब व भागवत यांनी महेशची आई कविताबाई हिला लाथा बुक्क्यांनी मारहाण करून जखमी केले. महेशला गंभीर दुखापत झाल्याने त्याला उपचारासाठी नर्मदा मेडिकल फौंउडेशन मध्ये दाखल करण्यात आले. जबाबावरून अमळनेर पोलिसात तिघांविरुद्ध गुन्हा दाखल करण्यात आला असून तपास हेडकॉन्स्टेबल रामकृष्ण कुमावत करीत आहेत.
