अमळनेर:- तालुक्यातील ग्रामीण भागात बिबट्या किंवा इतर हिंस्र प्राण्यांच्या हल्ल्याच्या घटना वाढीस लागल्या असताना दरेगाव येथेही अज्ञात हिंस्र प्राण्याने शेतात असलेल्या शेडमधील बकऱ्यांवर हल्ला करत 16 बकऱ्यांचा फडशा पाडला आहे.
दरेगाव येथील गुलाब शांताराम पाटील यांच्या शेतातील शेडमध्ये रात्रीच्या सुमारास ही घटना घडली. शेडमध्ये 31बकऱ्या होत्या, रात्रीच्या अंधारात हिंस्त्र प्राण्यांने हल्ला करीत बऱ्याच बकऱ्या फाडून खाल्ल्या,त्यात जवळपास १६ बकऱ्यांचा मृत्यू झाला आहे. या घटनेमुळे गरीब कुटुंबाचे फार मोठे आर्थिक नुकसान झालेले असून परिसरातील शेतकरी बांधवात भीतीचे वातावरण निर्माण झाले आहे.
