अमळनेर:- गेल्या तेवीस दिवसात अमळनेर विधानसभा मतदारसंघात २६४६ नवमतदारांची नोंदणी झाली असून त्यांना यंदाच्या विधानसभा निवडणुकीत मतदान करण्याची संधी मिळणार आहे.
नामनिर्देशन अर्ज दाखल करण्याच्या रात्री १२ वाजेपर्यंत नवीन मतदारांना नोंदणी करण्याची मुदत होती. ७ ऑक्टोबर रोजी प्रशासनाने मतदारांची आकडेवारी जाहीर केली होती. त्यावेळी अमळनेर विधानसभा मतदारसंघात ३०५६२६ मतदार होते. त्यात आता २६४६ मतदारांची वाढ झाली असून एकूण मतदारांची संख्या ३०८२७२ वर पोहचली आहे. २९ रोजी उमेदवारी अर्ज दाखल करण्याच्या अंतिम दिवसापर्यंत नोंदणी करणाऱ्या ह्या २६४६ नवीन मतदारांना यंदाच्या निवडणुकीत मतदान करण्याची संधी मिळणार आहे.
