क्रांती ज्योती सावित्रीबाई फुले जयंतीचे साधले औचित्य
अमळनेर – साने गुरुजी सार्वजनिक वाचनालय जानवे, तालुका अमळनेर येथे थोर समाज सेविका क्रांती ज्योती सावित्रीबाई फुले जयंती साजरी करण्यात आली व वाचन पंधरवडा या उपक्रमाचे उदघाटन करण्यात आले.
सावित्रीबाई फुले यांच्या प्रतिमेचे पूजन व माल्यार्पण लोकनियुक्त सरपंच सरलाताई प्रकाश पाटील यांच्या हस्ते करण्यात आले. कार्यक्रमाचे अध्यक्ष वाचनालयाचे अध्यक्ष डी.एम.पाटील होते. कार्यक्रमाला ग्राम पंचायत सदस्य प्रकाश पाटील, नवल पाटील गुढेकर, प्रकाश वाल्हे, पीतांबर पाटील, देविदास लोटन पाटील, भटू सोनू पाटील, जगलू पारधी व ग्रामस्थ उपस्थित होते. कार्यक्रमाचे अध्यक्ष डी.एम.पाटील यांनी सावित्रीबाई फुले यांच्या कार्याची माहिती सांगितली. किसान विद्यालय जानवे येथे जाऊन विद्यार्थ्यांना वाचनाचे महत्त्व पटवून सागितले व जास्तीत जास्त विद्यार्थ्यानी वाचनालयात येऊन पुस्तके वाचावीत असे आवाहन केले. सूत्रसंचालन व आभार प्रदर्शन ग्रंथपाल विजय पाटील यांनी केले.
