साहित्य व टपरी जळाल्याने हॉकर्स व्यापाऱ्यांचे नुकसान…
अमळनेर:- शहरातील सुभाष चौक ते कुंटे रोडवरील चार टपऱ्यांना पहाटे तीन वाजेच्या सुमारास अचानक आग लागल्याने हॉकर्स व्यापाऱ्यांचे नुकसान झाले आहे.
पहाटे तीन वाजेच्या सुमारास कुंटे रोडवर दहा ते बारा फुटाच्या अंतरावर असणाऱ्या हातगाड्या व टपऱ्यांना अचानक आग लागली. मुख्याधिकारी प्रशांत सरोदे यांनी अग्निशमन दलाचे नितीन खैरनार, फारुख शेख, जफर खान, आनंदा झिम्बल या कर्मचाऱ्यांना दोन बंब पाठवून आग विझवण्यास सांगितले. अग्निशमन दलाने आग विझवली मात्र तोपर्यंत मसाले व्यापारी व कापड व्यापारीचे दुकान जळून खाक झाले होते.
