अमळनेर:- राष्ट्रवादी काँग्रेस पार्टीचे अध्यक्ष खा.शरदचंद्र पवार यांच्या वाढदिवसानिमित्त मुलांना मैदानी खेळाकडे आकर्षित करण्यासाठी अमळनेरात भव्य कबड्डी स्पर्धा पार पडल्या.
मुंदडा ग्लोबल स्कुल शेजारील मैदानात या स्पर्धा आयोजित करण्यात आल्या होत्या. सुरवातीला सकाळी मान्यवरांच्या हस्ते या स्पर्धेचे उद्घाटन करण्यात आले.यावेळी माजी मंत्री डॉ सतीश पाटील, राष्ट्रवादीचे जिल्हाध्यक्ष रविंद्र भैय्या पाटील,माजी आमदार डॉ बी एस पाटील,जेष्ठ नेत्या सौ तिलोत्तमा पाटील,ग्रंथालय सेल प्रदेश समन्वयक सौ रिता बाविस्कर, कमलबाई पाटील,डॉ किरण पाटील, अरुण शिंदे,लतीब मिस्तरी, रफिक शेख,सतीश देशमुख उपस्थित होते. सदर स्पर्धेचे आयोजन राष्ट्रवादी तालुकाध्यक्ष सचिन बाळू पाटील, शहराध्यक्ष घनश्याम पाटील, अनिरुद्ध शिसोदे,सचिन वाघ यांनी केले होते.
स्पर्धेत ३५ संघांचा सहभाग…
सदर कबड्डी स्पर्धेत शालेय व महाविद्यालयीन एकूण ३० ते ३५ संघ सहभागी झाले होते यात शहरी व ग्रामीण भागातील शाळा तसेच तसेच बाहेरगावातील चाळीसगाव, भडगाव, पारोळा येथील संघांचाही सहभाग होता. प्रत्येक संघाने अतिशय रोमांचक कामगिरी दाखविली.समालोचक म्हणून उपस्थित असलेले डी बी बहीरम यांनी उत्तम समालोचन करून रंगत वाढविली.कोच व परिक्षक म्हणून अनिरुद्ध शिसोदे, मिलिंद पाटील,जे व्ही बाविस्कर व क्रीडा शिक्षकांनी काम पाहिले. स्पर्धा पाहण्यासाठी तरुणाईची मोठी गर्दी याठिकाणी उसळली होती. रात्री उशिरापर्यंत या स्पर्धा सुरू होत्या.
