कर्तृत्ववान लेकींचा सन्मान व व्याख्यानाच्या कार्यक्रमाचे आयोजन…
अमळनेर:- तालुका मराठा समाजातर्फे राजमाता जिजाऊ यांच्या जन्मोत्सव निमित्ताने कर्तृत्ववान लेकीचा सन्मान व व्याख्यानाच्या कार्यक्रमाचे आयोजन करण्यात आले आहे.
दिनांक १२ रोजी सायंकाळी ४ वाजता राजमाता जिजाऊ माँ साहेब भोसले यांच्या जन्मोत्सवाच्या निमित्ताने तालुका मराठा समाजाकडून कार्यक्रमाचे आयोजन करण्यात आले आहे. मराठा मंगल कार्यालयात होणाऱ्या या कार्यक्रमात कर्तृत्ववान लेकींचा सन्मान करण्यात येणार आहे. तसेच ‘जिजाऊ आणि आताच्या लेकी’ या विषयावर सुप्रसिद्ध वक्त्या ॲड. वैशाली डोळसे यांचे व्याख्यान ठेवण्यात आले आहे. कार्यक्रमाच्या अध्यक्षस्थानी तालुका मराठा समाजाचे अध्यक्ष जयवंतराव पाटील तर प्रमुख अतिथी म्हणून माजी आमदार स्मिता वाघ, माजी नगराध्यक्षा पुष्पलता पाटील, माजी जि.प. सदस्या जयश्री पाटील, बाजार समितीच्या माजी मुख्य प्रशासक तिलोत्तमा पाटील हजर राहणार आहेत. तर उपमुख्य कार्यकारी अधिकारी स्नेहल पवार, आंतरराष्ट्रीय धावपटू क्रांती साळवी यांच्या हस्ते कर्तृत्ववान महिलांचा गौरव करण्यात येणार आहे. सर्व समाजबांधव व भगिनींनी उपस्थिती द्यावी असे आवाहन जिजाऊ जन्मोत्सव महिला समितीच्या वतीने करण्यात येणार आहे.
