डीजेच्या तालावर रंग उधळत अमळनेरकरांनी केली प्रचंड धमाल…
अमळनेर:- शहरातील मुंदडा बिल्डर्स अँड डेव्हलोपर्स व मुंदडा इस्टेट परिवारातर्फे दि 25 मार्च रोजी धुलीवंदन निमित्त आयोजित “रंग बरसे” उत्सवास यंदाही अमळनेरानी जोरदार प्रतिसाद देत प्रचंड धम्माल केली.
महिला व पुरुष मंडळीसह तरुणाईची अभूतपूर्व अशी गर्दी याठिकाणी झाली होती. विशेष म्हणजे यंदा प्रथमच सहभागी होणाऱ्यांना फ्री व्हीआयपी पास देण्यात येऊन शहरातील विविध मंडळे,संस्था,सामाजिक व राजकीय क्षेत्रातील मान्यवर, व्यापारी बांधव व महिला मंडळ आणि तरुणांना सन्मानाने आमंत्रित करण्यात आले होते. सदर उत्सव मुंदडा इस्टेट,300 बंगलोज,गलवाडे रोड अमळनेर येथे आयोजित करण्यात आला होता. कौटुंबिक आणि मैत्रीपूर्ण वातावरण याठिकाणी निर्माण झाले होते,सदर उत्सव सकाळी 9 ते दुपारी 4 या वेळेत झाला, या उत्सवात डी जे महाधमाका म्हणून नॉन स्टॉप म्युझीक, डी जे समर, डीजे जँनी, डीजे नॉक्स याचा समावेश असल्याने सर्वांनीच जोरदार ठेका धरला. यासोबतच रेन डान्स,ढोल धमाका, ऑरगॅनिक कलर, खवैयांसाठी फूड स्टॉल आदींचाही समावेश होता.सर्वांचा आनंद द्विगुणित करण्यासाठी लकी ड्रॉ देखील असल्याने उपस्थितांवर बक्षिसांची लयलूटच झाली .
विशेष म्हणजे महिला भगिनींनी अतिशय बिनधास्त होऊन यात सहभाग घेतला. रोजच्या धकाधकीच्या जीवनातून कुठेतरी वेगळा आनंद मिळविण्यासाठी अतिशय अविस्मरणीय असा हा उत्सव महिला भगिनींसाठी ठरला.सदर उत्सवास अनेक लोकप्रतिनिधी व पदाधिकारी व प्रतिष्ठीत मान्यवरांनी देखील हजेरी लावली. मुंदडा इस्टेट परिवारातर्फे सर्वांचे स्वागत करण्यात आले. महिलांच्या सुरक्षेची विशेष काळजी घेण्यात आली.मुंदडा इस्टेटचे अमेय मुंदडा यांच्या संकल्पनेतुन हा उपक्रम राबविण्यात आला.यासाठी मुंदडा इस्टेट मधील नागरिक व मित्र परिवाराने परिश्रम घेतले.
