खान्देशी रक्षक फाउंडेशनच्या पाणपोईचे उद्घाटन संपन्न…
अमळनेर:- तालुक्यातील आजी-माजी सैनिकांचे,
खान्देशी रक्षक फाउंडेशनकडून शहरात पाणपोई सुरू करण्यात आली असून १ मे रोजी उद्घाटन करण्यात आले.
एक मे महाराष्ट्र दिन व जागतिक श्रमिक दिनानिमित्त,तसेच वाढत्या उष्णतेचा प्रभाव पाहता, शहरात रोज ५० शुद्ध व थंड पाण्याच्या जारची सोय करत पाणपोई सुरू करण्यात आली. देशसेवेसह समाज सेवा करणारे आजी-माजी सैनिकांच्या संकल्पनेतून ही सुरवात करण्यात आली. या पाणपोईचे उद्घाटन माजी सुभेदार रामकृष्ण पाटील यांच्या हस्ते करण्यात आले. यावेळी उपस्थित खान्देशी रक्षक फाउंडेशनचे अध्यक्ष विजय सूर्यवंशी, आजी-माजी सैनिक, फाउंडेशन अध्यक्ष राजेंद्र यादव, तसेच माजी सैनिक ईश्वर चौधरी, गणेश पाटील, नरेंद्र सोनवणे, आत्माराम बडगुजर, शरद पाटील, मुन्ना शेख, जितू ठाकूर व नागरिक उपस्थित होते.
