गाव हिरवेगार करण्यासाठी ग्रामस्थांना केली सहाशे रोपे वाटप…
अमळनेर:- तालुक्यातील गोर्वर्धन बोरगाव ग्रुप ग्रामपंचायतीने ग्रामस्थांना मोफत रोपे देवून पर्यावरण संतुलनासाठी अभिनव उपक्रम राबविला आहे. ग्रामपंचायतीने वृक्षारोपणाचा ठराव करून दोन्ही गावातील ग्रामस्थांना सुमारे सहाशे झाडे उपलब्ध करून देण्यात आली असून प्रत्येक कुटुंबाने एक झाड लावून त्याचे संगोपन करावे असे आवाहन ही ग्रामपंचायतीकडून करण्यात आले आहे. या उपक्रमाला ग्रामस्थांचा चांगला प्रतिसाद मिळाला असून सरपंच व कार्यकारणीचे सर्वत्र कौतुक होत आहे.
