बोहरा शिवारातून पोलिसांनी ट्रॅक्टरची ट्रॉली केली जप्त…
अमळनेर:- तालुक्यातील बोहरा शिवारात वाळूचोराला पोलिसांची चाहूल लागल्याने त्याने ट्रॉली सोडून ट्रॅक्टरचे धुड घेवून पळ काढल्याची घटना १५ रोजी घडली आहे.
१५ रोजी सकाळी १० वाजता बोहरा शिवारात पोलिसांचे वाहन येत असल्याची चाहूल वाळू चोराला लागल्याने त्याने वाळूने भरलेली १ लाख रुपये किंमतीची निळ्या रंगाची ट्रॉली जागेवर सोडून पळ काढला. पोलिसांनी दुसरे ट्रॅक्टर बोलवून ट्रॉली पोलीस ठाण्यात नेत अज्ञात वाळू चोराविरुद्ध गुन्हा दाखल केला आहे. पुढील तपास हेकॉ विनोद साळी हे करीत आहेत.
