तिघांना रंगेहाथ पकडत केला गुन्हा दाखल…
अमळनेर:- तालुक्यातील जैतपिर येथे मारवड पोलिसांनी छापा टाकून गावठी दारू तयार करणाऱ्या तिघांना ताब्यात घेत गुन्हा दाखल केला आहे.
सहायक पोलिस निरीक्षक जिभाऊ पाटील यांच्या मार्गदर्शनाखाली मारवड पोलिसांच्या पथकाने १७ रोजी जैतपिर येथे छापा घालून गावठी दारू तयार करणाऱ्या तिघांना रंगेहाथ पकडले. नाना सोमा कोळी ( वय ६५), रामलाल शालिक पवार (वय ५५) व पांडुरंग हिरामण कोळी ( वय ५४) अशी तिघांची नावे आहेत. यावेळी एकूण ४४ हजार रुपये किमतीचे २२०० लिटर कच्चे रसायन, ८० लिटर तयार दारू असा एकूण ४८ हजार किमतीचा मुद्देमाल मिळून आला. नमुने घेवून उर्वरित साहित्याचा नाश करण्यात आला. पीएसआय विनोद पाटील, हेकॉ सुनील तेली, भरत ईशी, मुकेश साळुंखे, संजय पाटील, विनोद साळी आदींनी सदरची कारवाई केली असून याप्रकरणी तिघांविरुद्ध दारूबंदी अधिनियम अंतर्गत गुन्हा दाखल करण्यात आला आहे. पुढील तपास हेकॉ सचिन निकम हे करीत आहेत.
