अमळनेर : तालुक्यातील लोंढवे येथील भास्कर मच्छीन्द्र पाटील वय ४० याचा विहिरीत पडल्याने बुडून मृत्यू झाल्याची घटना ९ रोजी सकाळी १० वाजेच्या सुमारास निसर्डी शिवारात घडली.
कैलास छगन पाटील याला त्याच्या निसर्डी शिवारातील शेतात कपाशी वेचत असताना भास्कर पाटील विहिरीत पडलेला दिसला. काही शेतकऱ्यांनी त्याला ग्रामीण रुग्णालयात नेले असता डॉक्टरांनी त्याला मृत घोषित केले. अमळनेर पोलीस स्टेशनला अकस्मात मृत्यूची नोंद करण्यात आली असून तपास हेडकॉन्स्टेबल कैलास शिंदे करीत आहेत.
