![](https://i0.wp.com/amalner24news.in/wp-content/uploads/2025/01/image_editor_output_image-1708355083-1738115102797.jpg?fit=985%2C1080&ssl=1)
अमळनेर:- तालुक्यातील मारवड येथील कै.न्हानाभाऊ मन्साराम तुकाराम पाटील कला महाविद्यालयातील उपप्राचार्य तथा भूगोल विभाग प्रमुख प्रा. विश्वनाथ देविदास पाटील (प्रा.व्ही. डी. पाटील ) यांना नुकतीच नांदेड येथील स्वामी रामानंद तीर्थ मराठवाडा विद्यापीठातर्फे पीएचडी पदवी प्रदान करण्यात आली. त्यांनी “स्पेशिओ टेम्पोरल ग्रोथ अँड डिस्ट्रिब्युशन ऑफ अर्बन सेटलमेंट इन जलगाव डिस्ट्रिक्ट” या विषयावर शोध प्रबंध सादर केला होता.
![](https://i0.wp.com/amalner24news.in/wp-content/uploads/2025/01/1002687504.gif?resize=640%2C768&ssl=1)
त्यांना नांदेड विद्यापीठातील मानव्य विद्या शाखेचे अधिष्ठाता प्रो. डॉ. पराग खडके यांनी मार्गदर्शन केले. तर कवयित्री बहिणाबाई चौधरी उत्तर महाराष्ट्र विद्यापीठाच्या भूगोल अभ्यास मंडळाचे चेअरमन प्रा.डॉ. सुरेश शेलार यांनी बहिस्थ परीक्षक म्हणून काम पाहिले. त्यांच्या या यशाबद्दल ग्रामविकास शिक्षण मंडळाचे व अमळनेर तालुका मराठा समाजाचे अध्यक्ष जयवंतराव पाटील, उपाध्यक्ष देविदास साळुंखे, सचिव देविदास पाटील, संचालक वाय. के.पाटील, डॉ. सुरेश साळुंखे, दिनेश साळुंखे, साहेबराव चव्हाण, मा.जि. प.सदस्य शांताराम साळुंखे, प्राचार्य डॉ. वसंत देसले, प्रशासकीय अधिकारी के. व्ही. पाटील, शिखर बँकेचे अधिकारी संजय पाटील, ज्ञानेश्वर सोमवंशी, पुरुषोत्तम देवरे, प्रा.डॉ.बी. एस. पाटील, प्रा.डॉ. एस. बी. पाटील, अमळनेर पं. स.चे लिपिक अनिल पाटील, ब.पा. महाविद्यालय किनवट येथील प्रा. डॉ.अनिल नवल पाटील, पर्यवेक्षक प्रा.संजय बागुल, निलेश साळुंखे, प्रा.अनिल महाले, प्रा.विजय शिंदे, प्रा.अशोक भामरे, प्रा.प्रमोद पाटील, प्रा. डॉ. संजय महाजन, प्रा.डॉ.संजय पाटील, नरेंद्र पाटील, संजय खैरनार, राजेश सैंदाने, भटू पाटील, नथु पवार, मा. पोलीस पाटील पंढरीनाथ पाटील, भुषण पाटील, जयेश सोमवंशी, प्रफुल्ल देवरे, गोवर्धनचे लोकनियुक्त सरपंच व सर्वांनी अभिनंदन केले आहे. ते गोवर्धन येथील माजी सरपंच व ग्रामविकास शिक्षण मंडळाचे सचिव देविदास बारकू पाटील यांचे चिरंजीव आहेत.