अमळनेर:- अमळनेर करांची मानाची सार्वजनिक शिवजयंती भव्य मिरवणूक विविध पारंपारिक कलापथकांच्या सहभागाने व युवकांचे रक्तदान शिबिर या सामाजिक उपक्रमासह साजरी होणार आहे.
सालाबादप्रमाणे यंदाही भव्य दिव्य मिरवणूक काढण्यात येणार आहे. अमळनेर नगरपरिषद हायस्कूलच्या मैदानातून सकाळी ९ वाजता सदर मिरवणुकीस मान्यवरांच्या हस्ते सुरुवात होणार असून सदर मिरवणुकीत शाळकरी मुलांचे पथनाट्य , लाठ्या काठ्याचे कर्तब , महिला लेझीम , वाढी संस्था भजनी मंडळ यांचा लक्षवेधी व दिमाखदार सहभाग शिवभक्तांसाठी आकर्षण ठरणार आहे. सदर शिवजयंती मिरवणुकीत दरवर्षी हजारोंच्या संख्येने नागरिक सहभागी होतात याकरिता मिरवणुकीच्या व्यवस्थापनात विजय मारुती मंदिर येथे भावेश जैन यांच्या कडून लाडू वाटप, राज लाड यांच्या कडून अल्पोहार पाच पावली मंदिर येथे,बस स्टँड येथे निलेश फार्मा तर्फे लस्सी वाटप, योगेंद्र बाविस्कर व तुषार बाविस्कर यांच्या कडून महाराणा प्रताप चौक येथे थंड पेय वाटप तर तुषार सोनार आणि शुभम पाटील यांच्या वतीने मिरणूक दरम्यान पिण्याचे पाणी वाटप , आकाश परदेशी यांच्या कडून नाट्यमंदिर येथे थंड पेय वाटप होईल.
समारोपप्रसंगी दुपारी १२ वाजता छ शिवाजी महाराज नाट्यगृह येथे अर्बन बँकेचे व्हॉईस चेअरमन रणजित शिंदे यांच्या परिवाराच्यावतीने सालाबादप्रमाणे शिवभक्तांसाठी शिव भंडाराचे नियोजन करण्यात आले आहे.यावेळी शिवजयंती मिरवणुकीत सहभागी कलापथकांचा सन्मान चिन्ह आणि वह्या भेट देऊन गौरव करण्यात येणार आहे यासाठी अतिप्राचीन मंगळ ग्रह मंदिर संस्थान यांचे मोलाचे योगदान लाभणार आहे. सामाजिक सांस्कृतिक कार्यात अग्रेसर असणारा अमळनेर रक्तदान चळवळीत लौकिक मिळवलेला युवा मित्र परिवारातर्फे १९ फेब्रुवारी रोजी दुपारी ४ ते ७ या वेळेत नाट्यगृह परिसरात रक्तदान शिबीर राबविणार आहे यावेळी रक्तदात्यांना टी शर्ट , ट्रॉफी भेट देण्यात येणार आहे.सदर उपक्रमासाठी सुप्रसिद्ध बिल्डर सरजूसेठ गोकलानी,मुंदडा बिल्डर्स चे अमेय मुंदडा,आदित्य बिल्डर्स चे प्रशांत निकम,ॲड.दिनेश पाटील, कृ उ बा संचालक सचिन पाटील,भिकेश पाटील, यांचे सहकार्य लाभत आहे
सदर भव्य अशा शिवजयंती उत्सव मिरवणुकीत शिवभक्तांनी जास्तीत जास्त संख्येने सहभागी व्हावे व शिव उत्सव मोठ्या थाटा माटात साजरा करूया असे आवाहन सार्वजनिक शिवजयंती उत्सव समितीच्या वतीने करण्यात आले आहे.
