अमळनेर : बस मध्ये चढतांना महिलेच्या गळ्यातील ४५ हजार रुपयांची सोन्याची चेन अज्ञात चोरट्यानी चोरून नेल्याची घटना २५ रोजी सकाळी १०:४० वाजता अमळनेर बसस्थानकावर घडली.
कल्पनाबाई पतींग पाटील रा कुरुकवाडे ता शिंदखेडा ही महिला आपल्या सुनेसह सडावण येथे जाण्यासाठी अमळनेर बसस्थानकावरून पारोळा बस मध्ये चढत असताना गर्दी मुळे वाहकाने त्यांना खाली उतरवले. खाली उतरल्यावर महिलेच्या सुनेच्या लक्षात आले की सासूच्या गळ्यातील चेन गायब झाली. बसस्थानक परिसरात शोध घेतला असता काही एक आढळून आले नाही म्हणून अमळनेर पोलीस स्टेशनला भारतीय न्याय संहिता ३०३(२) प्रमाणे अज्ञात चोरट्याविरुद्ध गुन्हा दाखल करण्यात आला असून तपास हेडकॉन्स्टेबल संतोष पवार करीत आहेत. दरम्यान बसस्थानक परिसरात चोऱ्यांचे प्रमाण वाढले असून पोलिस ह्या चोरट्यांना जेरबंद करण्यात अपयशी ठरत असल्याचे चित्र आहे.
