अमळनेर:- तालुक्यातील निम येथे शेतात बांधावरून जाणाऱ्या मजुरांना हटकल्याचा राग आल्याने चौघांनी एकाला बेदम मारहाण केल्याची घटना १८ रोजी घडली आहे.
याबाबत गोकुळ नारायण पाटील (वय ५६) रा. निम यांनी दिलेल्या फिर्यादीनुसार दिनांक १८ रोजी सकाळी १०:३० वाजता निम शिवारात असलेल्या फिर्यादीच्या शेतात चंपालाल हिरामण पाटील, मयूर चंपालाल पाटील, संभाजी मंगल पाटील, गोपाल विठ्ठल पाटील हे आले व तू आमच्या मजुरांना तुझ्या बांधावरून का जाऊ देत नाही अशी विचारणा केली. त्यावर फिर्यादीने हा तुमचा शेतात जाण्यासाठीचा रस्ता नाही असे सांगितल्याचा राग आल्याने चौघांनी त्याला शिवीगाळ करत लाकडी दांडक्याने मारहाण करत तोंडावर बुक्काने मारून दात पाडला. तसेच जिवंत सोडणार नाही अशी धमकी दिली असून याप्रकरणी मारवड पोलिसांत चौघांविरुद्ध गुन्हा दाखल करण्यात आला असून पुढील तपास हेकॉ प्रवीण पारधी हे करीत आहेत.
