अमळनेर – अल्पवयीन मुलीसोबत अश्लील कृत्य केल्याबद्दल ५८ वर्षीय आरोपीला न्यायालयाने 4 वर्षांची सश्रम कारावासाची शिक्षा सुनावली आहे.
पीडितेचे पालक उसतोडीच्या कामासाठी शेतावर गेलेले असताना अशोक देवराम पाटील (वय 58, रा. वाळकी, ता. चोपडा) याने गोड बोलून पीडितेला टीव्ही दाखविण्याचा बहाणा केला. घरात नेऊन स्वतःची पॅन्ट काढून पीडितेला मांडीवर बसवून अश्लील कृत्य केले. पीडिता रडत बाहेर पळून जात तिने ही घटना मोठ्या बहिणीस सांगितली. त्यानंतर पालकांनी पोलीस ठाण्यात फिर्याद दिली.
न्यायालयाने आरोपीस पोक्सो कलम 8 अंतर्गत 3 वर्षे सश्रम कारावास व 2000 रुपये दंड (दंड न भरल्यास 2 महिने कैद) तसेच कलम 12 अंतर्गत 1 वर्ष कारावास व 1000 रुपये दंड ठोठावला. जातीचा दाखला मिळून न आल्याने ॲट त्यांच्यावर ॲट्रोसिटी कलमांतून आरोपी निर्दोष मुक्त करण्यात आला.
या खटल्यात पैरवी अधिकारी पी.एस.आय. उदयसिंग सांळुके, पो.कॉ. राहुल रणधीर (चोपडा ग्रामीण), पो.हे.कॉ. पुरुषोत्तम वाल्डे (अमळनेर), पो.हे.कॉ. प्रमोद पाटील (चोपडा शहर), पो.हे.कॉ. भरत इशी (मारवड) व पो.कॉ. सतीष भोई (अडावद) यांचे मोलाचे सहकार्य केले.
