अमळनेर:- कवयित्री बहिणाबाई चौधरी उत्तर महाराष्ट्र विद्यापीठ जळगाव विद्यार्थी विकास विभाग आणि कै. न्हानाभाऊ मन्साराम तुकाराम पाटील कला महाविद्यालय मारवड मराठी विभाग यांच्या संयुक्त विद्यमाने महाविद्यालयात लोकशाहीर अण्णाभाऊ साठे यांच्या जयंतीनिमित्त प्रतिमापूजन आणि व्याख्यानाचे आयोजन करण्यात आले होते.
प्रस्तुत कार्यक्रम प्रसंगी महाविद्यालयातील माजी विद्यार्थी विकास अधिकारी प्रा डॉ संजय महाजन यांनी लोकशाहीर अण्णाभाऊ साठे यांच्या जीवनावर प्रकाश टाकणारे विचार मांडले. सदर कार्यक्रमाचे अध्यक्ष स्थान महाविद्यालचे प्राचार्य डॉ वसंत देसले सर यांनी भुषविले. सदर कार्यक्रमाचे सुत्रसंचलन महाविद्यालयातील विद्यार्थी विकास अधिकारी प्रा डॉ संजय पाटील (मराठी विभाग प्रमुख) यांनी केले. सदर कार्यक्रमास महाविद्यालयाचे प्राचार्य, प्राध्यापक आणि प्राध्यापकेतर कर्मचारी यांनी उपस्थिती दिली प्रस्तुत कार्यक्रमाची सांगता राष्ट्रगीताने झाली.
