स्वातंत्र्याच्या अमृतमहोत्सवाच्या निमित्ताने झाले ध्वजवंदन…
अमळनेर:- स्वातंत्र्याच्या अमृतमहोत्सवाच्या निमित्ताने तालुक्यातील झाडी व कळमसरे येथे वृक्षदिंडी काढण्यात आली.
झाडी येथील उदय माध्यमिक विद्यालयात सैनिक जगदीश विश्वास पाटील यांच्या हस्ते ध्वजवंदन करण्यात आले,व गावात वृक्षदिंडी काढण्यात आली.यावेळी संस्थेचे अध्यक्ष धनगर दला पाटील, मुख्याध्यापक एम के पाटील, दिलीप धनगर पाटील, माजी विद्यार्थी तथा सैन्यात कार्यरत असलेले जवान प्रविण पाटील, माजी विद्यार्थी अभिमन्यू बागुल, रामलाल पाटील,तसेच शिक्षक, शिक्षकेतर कर्मचारी विद्यार्थी, स्थानिक पदाधिकारी उपस्थित होते.
कळमसरे गावात निघाली वृक्षदिंडी…
तालुक्यातील कळमसरे येथे शारदा माध्यमिक विद्यालयाकडून स्वातंत्र्याच्या अमृतमहोत्सवाच्या निमित्ताने गावात वृक्षदिंडी काढण्यात आली. यावेळी दिंडी दरम्यान विद्यार्थ्यांनी पर्यावरण संरक्षणासाठी घोषणा देण्यात आल्या. यावेळी संस्थेचे संचालक, शाळेचे मुख्याध्यापक, शिक्षक शिक्षकेतर कर्मचारी, सामाजिक वनीकरण विभागाचे अधिकारी व कर्मचारी, ग्रामस्थ व विद्यार्थी विद्यार्थिनी मोठ्या संख्येने उपस्थित होते.
