अमळनेर:- तालुक्यातील जैतपीर येथे गावठी दारू विक्रेत्यावर मारवड पोलिसांनी छापा टाकून रंगेहाथ पकडले आहे.
याबाबत अधिक माहिती अशी की, गोपनीय माहितीनुसार मारवड पोलिसांच्या पथकाने जैतपीर येथे प्लॉट भागात छापा टाकला असता नाना सोमा कोळी (वय ५९) हा गावठी दारू व मुद्देमालासह आढळून आला. त्याठिकाणी १२०० रुपये किमतीची १५ लिटर दारू मिळून आली. नमुने घेवून उरलेल्या साहित्याचा जागीच नाश करण्यात आला. पो. प्रशांत पाटील यांच्या फिर्यादीवरून आरोपीविरुद्ध मु.प्रो.ॲक्ट ६५ ई अन्वये गुन्ह्याची नोंद करण्यात आली आहे. पुढील तपास स. फौ. किशोर पाटील हे करीत आहेत.
