अमळनेर:- तालुक्यातील शिरसाळे येथे गावठी दारू विक्रेत्यावर छापा टाकत पोलिसांनी ताब्यात घेतले आहे.
याबाबत अधिक माहिती अशी की, गोपनीय माहिती मिळाल्यामुळे स.पो. नि. जयेश खलाने यांच्या मार्गदर्शनाखाली मारवड पोलिसांच्या पथकाने शिरसाळे येथे भेट दिली असता एक इसम बस स्टँड भागात घराच्या आडोश्याला प्लास्टिक पिशव्या व ड्रम घेवून बसलेला दिसून आला. त्यास पकडले असता त्यांचेकडे १५ लिटर गावठी हातभट्टीची दारू मिळून आली. त्याचे नाव सलीम बशीर खाटीक असून नमुने घेवून उरलेल्या साहित्याचा जागीच नाश करण्यात आला. भरत गायकवाड यांच्या फिर्यादीवरून गुन्ह्याची नोंद करण्यात आली असून पुढील तपास एएसआय राजेंद्र पाटील हे करीत आहेत.
