अमळनेर:- शहरातील ग्लोबल स्कूलच्या विद्यार्थ्यांनी ०३ जानेवारी रोजी अमळनेर पोलीस ठाण्यात भेट देत माहिती जाणून घेतली.
इयत्ता ९ वी व १० वीचे विद्यार्थी, विद्यार्थीनी व शिक्षक यांनी यावेळी भेट दिली. महाराष्ट्र पोलीस स्थापना दिनानिमित्त (रेझिंग डे) पोलीस स्टेशनला भेट दिल्याने यावेळी पोलीस निरीक्षक विजय शिंदे यांनी पोलीस स्थापना दिनाचे महत्व समजावुन सांगितले. तसेच पोलीस स्टेशनच्या दैनंदिनी कामकाजाची विभागनुसार प्राथमिक स्वरुपाची माहिती देण्यात आली. शस्त्रगारातील शस्त्रांची माहिती यावेळी विद्यार्थ्यांना देण्यात आली. यावेळी शाळेचे १२० ते १३० विद्यार्थी व विद्यार्थीनी हजर होत्या. सदर भेटी दरम्यान विद्यार्थ्यांना पोलीसांबदल असलेली भिती मनातून काढून त्यांना पोलीस खात्याचे कामकाज समजावून सांगण्यात आले. तसेच सध्या स्थितीत सोशल मीडियावर पसरवण्यात येत असलेल्या अफवांवर विश्वास ठेवू नये. काही अडचण अगर माहिती मिळाल्यास तात्काळ पोलीस स्टेशनला किंवा आम्हास कळवावे बाबत योग्य मार्गदर्शन केले असे आवाहन पोलीस निरीक्षक विजय शिंदे यांनी उपस्थितांना केले.
