शाळेला महापुरूषांच्या फोटो फ्रेम दिल्या भेट…
अमळनेर:- तालुक्यातील पळासदडे येथील जिल्हा परिषद शाळेत प्रजासत्ताक दिन उत्साहात साजरा करण्यात आला. यावेळी देशभक्तीपर कार्यक्रमाचे आयोजन करण्यात आले होते.
याप्रसंगी शाळेचे ध्वजारोहण शालेय व्यवस्थापन समिती अध्यक्ष सर्जेराव मोरे यांनी केले. केदारेश्वर सदाशिव चव्हाण यांनी वडील कै. सदाशिव निळकंठ चव्हाण यांच्या स्मरणार्थ शाळेला राष्ट्रीय महापुरूषांचे फोटो फ्रेम भेट दिल्या. कार्यक्रमास गावातील सरपंच, उपसरपंच, सर्व सदस्य, ग्रामसेवक, पोलीस पाटील, अंगणवाडी सेविका, मदतनिस, शिक्षक वर्ग, विद्यार्थी, पालक वर्ग उपस्थित होते. कार्यक्रमाचे सूत्रसंचालन राजेंद्र सोनवणे यांनी तर आभार मुख्याध्यापक अशोक ठाकुर यांनी मानले.
