5 फेब्रुवारी रोजी खाजगी कोचिंग क्लासेस संघटनेच्या वतीने आयोजन…
अमळनेर:- येथील प्रोफेशनल टिचर्स असोसिएशन (PTA)
खाजगी कोचिंग क्लासेस संघटनेतर्फे इ.10 वीच्या विद्यार्थ्यांसाठी परीक्षेला जाता जाता कार्यक्रमाचे आयोजन रविवार, दि.5 फेब्रुवारी रोजी शहरातील जुना टाऊन हॉल येथे करण्यात आले आहे.
सकाळी 9 वाजता हा कार्यक्रम होणार असून सदर विशेष सत्रास उपस्थित राहून इ. 10 वी मार्च 2023 चा बोर्ड परीक्षेचा करंडक जिंका, असा दावा आयोजकांनी केला आहे. यावेळी प्रमुख पाहुणे, वक्ते व उद्घघाटक म्हणून प्रमिला गिरी माई, पुणे(स्व जागरूकता), सुहास पाठक सर,धुळे (विषय -विज्ञान), डी.ए.धनगर सर, अमळनेर (विषय गणित), गौरव महाले, चोपडा (विषय-परीक्षेला जाता जाता) यांची उपस्थिती लाभणार आहे. यावेळी व्याख्यानात बोर्डाची उत्तरपत्रिका कशी लिहावी?, परीक्षेतील तीन तासांचे व्यवस्थापन, परीक्षा हॉलमधील आत्मविश्वास, परीक्षा काळातील घरातील वातावरण, पेपर लिहिण्याचे तंत्र, परीक्षा काळातील उजळणी,परीक्षेची भिती घालवणे, मेरीट लिस्टमध्ये येण्यासाठीच्या टिप्स, विषयानुरूप लिहिण्याची पद्धत, पेपर प्रेझेंटेशन, विधायक विचार इत्यादी बाबीवर मार्गदर्शन करण्यात येणार असून विद्यार्थ्यांनी सोबत वही व पेन आणावेत. विद्यार्थ्यांनी या मोफत कार्यक्रमाचा लाभ घ्यावा, असे आवाहन महाराष्ट्र खाजगी कोचिंग क्लास संघटनेचे (PTA) राज्य समन्वयक व मा.कार्याध्यक्ष भैय्यासाहेब मगर व खाजगी कोचिंग क्लासेस संघटनेतर्फे करण्यात आले आहे.
