एकास रंगेहाथ पकडत केला गुन्हा दाखल…
अमळनेर:- तालुक्यातील मांडळ येथे गावठी दारूच्या हातभट्टीवर मारवड पोलिसांनी छापा टाकत कारवाई केली आहे.
याबाबत अधिक माहिती अशी की, एपीआय जयेश खलाने यांनी दिलेल्या माहितीवरून पोहेकॉ भरत श्रीराम ईशी, पोहेकॉ फिरोज बागवान, कॉ. राजेन्द्र पाटील यांनी मांडळ येथे जात पांझरा नदीकाठी झाडाझुडुपात गावठी दारू हातभट्टी दिसून आल्याने छापा टाकला असता पांडुरंग बुधा भील हा रंगेहाथ मिळून आला. त्याठिकाणी ५० लिटर पक्के उकळते रसायन, १२० लिटर कच्चे रसायन, व १५ लिटर तयार दारू आदी साहित्य मिळून आले. नमुने घेवून उरलेल्या साहित्याचा जागीच नाश करण्यात आला. आरोपीविरुद्ध महाराष्ट्र दारूबंदी कायदा कलम ६५ अन्वये गुन्ह्याची नोंद करण्यात आली असून पुढील तपास पोहेकॉ भरत श्रीराम ईशी हे करीत आहेत.
