अमळनेर:- येथील अर्बन बँकेच्या १३ संचालकांसाठी ३५ उमेदवारांचे भवितव्य आज मतपेटीत बंद होणार आहे. एकूण १५ हजार ९३७ मतदार मतदान करणार आहेत.
सानेगुरुजी विद्यालयात एकूण २८ केंद्रांवर मतदान होणार असून प्रत्येक मतदान केंद्रावर ५७० मतदार मतदान करतील. मतदानासाठी १८० कर्मचारी नियुक्त केले आहेत. सर्वसाधारण आठ जागांसाठी १४ उमेदवार, महिला राखीव दोन जागांसाठी चार उमेदवार, इतर मागासवर्गीय एक जागेसाठी पाच उमेदवार, अनुसुचित जाती जमाती एका जागेसाठी ९ उमेदवार, भटक्या विमुक्त एक जागेसाठी तीन उमेदवार रिंगणात आहेत.
दिनांक ११ मे रोजी इंदिरा भुवन मध्ये मतमोजणी होणार आहे. मतमोजणीसाठी ८४ कर्मचारी नियुक्त केले आहेत. निवडणूक सुरळीत पार पाडण्यासाठी निवडणूक निर्णय अधिकारी व्ही एम जगताप, सुनील महाजन व सुनील पाटील परिश्रम घेत आहेत.
