अमळनेर:- तालुक्यातील नांद्री येथील चि. प्रसन्न हिंमत चौधरी याने पूर्व माध्यमिक शिष्यवृत्ती परीक्षेत ग्रामीण भागातून राज्याच्या गुणवत्ता यादीत २० वा क्रमांक पटकावला आहे.
प्रसन्न हा जळगाव जिल्ह्यातून प्रथम आला असून विशेष म्हणजे तो राज्याच्या गुणवत्ता यादीत जिल्ह्यातून एकमेव आहे. इ.८ वी नवोदय प्रवेश परिक्षेत सुद्धा उत्तीर्ण होऊन त्याची इयत्ता ९वी नवोदय विद्यालय प्रवेशासाठी निवड झाली आहे. तो सेंटमेरी इंग्लिश मिडीयम स्कूलचा विद्यार्थी असून त्याला या यशासाठी शाळेच्या प्राचार्या व शिक्षकवृंद तसेच मोराणकर सर व ज्ञानेश्वर सांळुखे सर, आई, वडिल व बहीण डॉ.सिद्धि चौधरी यांचे मार्गदर्शन लाभले.
तो जि.प. शाळा खवशीचे मुख्याध्यापक हिंमत ओंकार चौधरी व सहशिक्षिका निलम हिंमत चौधरी यांचा मुलगा आहे. त्याच्या या यशाबद्दल मा.आ. शिरीष चौधरी, प्रा.डॉ. सुभाष महाजन व कर्तव्य बहुद्देशीय संस्थेचे अध्यक्ष सुनिल चौधरी, शिक्षण विस्तार अधिकारी पी.डी. धनगर व केंद्रप्रमुख चंद्रकांत साळूंके, सदानंद भावसार सर व आप्तेष्ट यांनी त्यांचे अभिनंदन केले आहे.
