अमळनेर:- तालुक्यातील अंतूर्ली शिवारातील पाच शेतकऱ्यांच्या विहीरी व बोअरवेलवरील तांब्याची केबल वायर अज्ञात चोरट्याने चोरुन नेली असून याप्रकरणी मारवड पोलिसांत तक्रार देण्यात आली आहे.
अंतूर्ली येथील शेतकरी लोटन दौलत पाटील, हरीश आबा पाटील, भटू सुरेश पाटील व योगेश शिवाजी पाटील यांच्या विहिरीवरून, तसेच शंकर वसंत पाटील यांच्या बोअरवेल ते स्टार्टरपर्यंत टाकलेली तांब्याची केबल वायर दिनांक ५ रोजी रात्री अज्ञात चोरट्याने कट करत चोरुन नेली आहे. एकूण ४८० फूट लांबीची व ९९०० रुपये किमतीची केबल चोरुन नेल्याप्रकरणी मारवड पोलीसात लोटन पाटील यांच्या फिर्यादीवरून गुन्हा दाखल करण्यात आला असून पुढील तपास हेकॉ सुनील अगोणे हे करीत आहेत.
