अमळनेर बसस्थानकावर चोरीच्या घटनांमध्ये झाली वाढ…
अमळनेर:- बसमध्ये चढताना अज्ञात चोरट्याने महिलेच्या गळ्यातील १७ ग्रॅम वजनाची सोन्याची पोत चोरल्याची घटना १६ रोजी दुपारी १२ वाजता बसस्थानकावर घडली.
मानसी राकेश पाटील (रा. खवशी) ह्या नंदुरबार येथे नातेवाईक मयत झाल्याने तेथे जाण्यासाठी बसस्थानकावर सकाळी ११ वाजता आल्या. दुपारी १२ वाजता नंदुरबार बसमध्ये चढताना त्यांची १७ ग्रॅम वजनाची पोत अज्ञात चोराने चोरून नेली. महिलेच्या फिर्यादीवरून अमळनेर पोलीस स्टेशनला गुन्हा दाखल करण्यात आला असून तपास हेकॉ चंद्रकांत पाटील करीत आहेत. दरम्यान बसस्थानकावरील चोरीच्या घटनांमध्ये वाढ झाली असून बसस्थानक परिसरातील भुरट्या चोरट्यांचा बंदोबस्त करण्याची मागणी प्रवासी करीत आहेत.
