अज्ञात चोरट्याविरूद्ध अमळनेर पोलिसात गुन्ह्याची नोंद…
अमळनेर:- घराच्या अंगणात लावलेल्या चारचाकी गाडीचे सायलेन्सर अज्ञात चोरट्याने चोरुन नेल्याची घटना १८ रोजी घडली असून याप्रकरणी अमळनेर पोलिसात गुन्ह्याची नोंद करण्यात आली आहे.
शहरातील तांबेपुरा भागातील वैभव कॉलनीतील रहिवासी ज्ञानेश्वर धोंडू सावंत यांची चारचाकी ईको गाडी क्रमांक एमएच १९ सीझेड ५३२२ ही दिनांक १८ रोजी अंगणात लावली होती. दिनांक १९ रोजी त्यांनी सकाळी गावी जाण्यासाठी गाडी काढली असता गाडीचा मोठ्याने आवाज येवू लागल्याने चेक केले असता गाडीचे सायलेंसर दिसून आले नाही. आजूबाजूला विचारपूस करून तपास न लागल्याने अज्ञात चोरट्याने चोरुन नेल्याची खात्री झाली. त्यामुळे मारुती सुझुकी कंपनीचे ३५ हजार किमतीचे सायलेंसर चोरुन नेल्याप्रकरणी अमळनेर पोलिसांत गुन्ह्याची नोंद करण्यात आली असून पुढील तपास पोना हितेश चिंचोरे करीत आहेत.
