किसान काँग्रेसकडून शेतकऱ्यांना उपस्थितीचे आवाहन…
अमळनेर:- राष्ट्रीय काँग्रेस पक्ष आणि किसान काँग्रेसच्या वतीने नंदुरबार ते नागपूर शेतकरी संवाद यात्रेचे आयोजन करण्यात आले असून उद्या सकाळी तालुक्यात या संवाद यात्रेचे आगमन होणार आहे.
सदर संवाद यात्रा तालुक्यात दिनांक ५ डिसेंबर रोजी मंगळवारी संध्याकाळी ७ वाजता चोपडाई कोंढावळ येथून प्रवेश करीत आहे. सदर संवाद यात्रा डांगर, जानवे, लोंढवे, मंगरुळ, अमळनेर अशी येणार आहे. रात्री अमळनेरला जेवण, मुक्काम आहे. दिनांक ६ डिसेंबर रोजी बुधवारी सकाळी पायी दिंडी निघणार आहे. सकाळी ८वाजता बळी राजा स्मारक, तेथून छत्रपती शिवाजी महाराज स्मारक, साने गुरुजी स्मारक, बाबासाहेब स्मारक तेथून क्रांती स्मारक पैलाड मार्ग हेडावे सारबेटा असा प्रवास आहे .त्यानंतर मोटारीने पुढे धरणगाव ,जळगांव, मुक्ताईनगर तेथून बुलढाणा जिल्ह्यात प्रवेश पुढे ११ तारखेला नागपूर येथे जाणार आहे.
शेतकऱ्यांच्या न्याय व हक्कांसाठी सर्व शेतकरी बंधूंनी सदर संवाद यात्रेत सहभागी व्हावे असे आवाहन किसान काँग्रेस जिल्हाध्यक्ष सुरेश पाटील, जिल्हा कार्याध्यक्ष प्रा. सुभाष पाटील, तालुका अध्यक्ष दिनेश पवार यांनी केले आहे.
