दोघांवर कारवाई करत केला साडेपाच हजाराचा दंड वसूल
अमळनेर :-येथील नगरपरिषदेतर्फे काल सलग दुसऱ्या दिवशीही प्लास्टिक बंदी बाबत धडक कारवाई करण्यात आली.
बंदी असलेल्या प्लास्टिक पिशव्या कॅरीबॅग यांचा वापर केल्याने दोन दुकानदारांना एकूण ५५०० रुपये दंड ठोठावला.तर येथून पथकाने एकूण २.५० किलो प्लास्टिक जप्त केले. ही कारवाई बुधवारी सायंकाळी करण्यात आली. नगर पालिकेच्या प्लास्टिक विरोधी पथकाकडून बुधवारी सायंकाळी शहरातील मुंबई चौपाटी व सोनू बागवान अमळनेर या दोघांकडे बंदी असलेल्या प्लास्टिक पिशव्या, पन्नी आढळून आल्याने कार्यवाही करण्यात आली. यात मुंबई चौपाटी यांनी बंदी असलेल्या प्लास्टिक साठवणूक व विक्री केल्याबद्दल ५०००/- तर सोनू बागवान यांनी बंदी असलेल्या प्लास्टिक कॅरीबॅग मधून विक्री केल्याबद्दल ५००/- रुपये दंड आकारण्यात आला. नगर परिषद मुख्याधिकारी तुषार नेरकर यांच्या मार्गदर्शनाखाली यावेळी प्लॉस्टिक बंदी करत कारवाई करताना पालिकेचे स्वच्छता निरीक्षक संतोष बिऱ्हाडे, शहर समन्वयक गणेश गढरी, पथक कर्मचारी गौतम बिऱ्हाडे, योगेश पवार, महेंद्र बैसाणे, युनूस शेख, अश्रफ अली, समाधान बच्छाव यांनीही कार्यवाही केली. दरम्यान मुख्याधिकारी यांनी सर्व नागरिकांना प्लास्टिक कॅरीबॅग यांचा वापर न करण्याचे व कापडी पिशव्यांचा जास्तीत जास्त वापर करण्याचे आवाहन पालिकेतर्फे करण्यात आले आहे .
