अज्ञात चोरट्याविरुद्ध गुन्ह्याची नोंद…
अमळनेर:- तालुक्यातील मारवड येथे अंगणात लावलेली दुचाकी अज्ञात चोरट्याने चोरून नेल्याची घटना घडली आहे.
मारवड येथील श्रीकांत दिलीप साळुंखे यांची हिरो सिडी डॉन कंपनीची पंधरा हजार रुपये किमतीची दुचाकी दिनांक ३ रोजी सायंकाळी ५:३० अंगणात लावलेली होती. ४ रोजी सकाळी अंगणात लावलेली दुचाकी दिसून न आल्याने आजूबाजूच्या परिसरात शोध घेतला मात्र दुचाकी मिळून न आल्याने ती चोरीस गेल्याची खात्री पटली. त्यामुळे मारवड पोलिसांत अज्ञात चोरट्याविरुद्ध गुन्ह्याची नोंद करण्यात आली असून पुढील तपास हेकॉ सुनील तेली करीत आहेत.
