कळंबुजवळील बोगद्याजवळ रेल्वे रुळावर आढळला मृतदेह…
अमळनेर:- तालुक्यातील बाम्हणे येथील ४१ वर्षीय इसमाचा मृतदेह कळंबु गावाजवळील बोगद्याजवळ रेल्वे रुळावर आढळून आला आहे.
याबाबत अधिक माहिती अशी की, १७ रोजी सकाळी ११ वाजता बाम्हणे येथील दगडू बारीकराव पाटील (वय ४१) यांचा मृतदेह कळंबु गावाजवळील रेल्वे रुळावर पोल क्र. २३१/०३ ते २३१/०१ दरम्यान आढळून आला. रेल्वेखाली कापल्या गेल्याने मृतदेह छिन्नविच्छिन्न झाला होता. खिश्यात असलेल्या मोबाइलवरून त्यांची ओळख पटली. दरम्यान ही घातपात की आत्महत्या याबाबत साशंकता असून पाडसे स्टेशन मास्टर यांनी मारवड पोलिसांत फिर्याद दिली असून अकस्मात मृत्यूची नोंद करण्यात आली आहे. पुढील तपास हेकॉ भरत श्रीराम इशी हे करीत आहेत.
