अमळनेर:- तालुक्यातील झाडी येथे ५५ वर्षीय इसमाचा लचके तोडलेल्या अवस्थेत शेतात आढळून आला असून याबाबत मारवड पोलिसांत अकस्मात मृत्यूची नोंद करण्यात आली आहे.
तालुक्यातील झाडी येथील नाना रामदास पाटील (वय ५५) हे सबगव्हाण शेतशिवारात झोपडी बांधून राहत होते. दिनांक ३० रोजी दुपारी बारा वाजेच्या सुमारास गावातील त्यांचे पुतणे प्रकाश पाटील हे शेतात गेले असता नाना पाटील यांचा मृतदेह लचके तोडलेल्या अवस्थेत आढळून आला. सदर मृतदेहाचे कुत्रे किंवा अन्य वन्यप्राण्यांनी लचके तोडल्याचा अंदाज असून प्रकाश पाटील यांनी मारवड पोलिसांत दिलेल्या फिर्यादीनुसार अकस्मात मृत्यूची नोंद करण्यात आली आहे. पुढील तपास हेकॉ सचिन निकम हे करीत आहेत.
