परिसरातील ग्रामस्थांत भीतीचे वातावरण…
अमळनेर:- तालुक्यातील गंगापूरी येथे बुधवारी रात्री बिबट्याने एक वर्षाच्या गोऱ्हावर हल्ला करत फडशा पाडला, यामुळे गंगापुरी परिसरात भीतीच वातावरण निर्माण झाले आहे.
याबाबत अधिक माहिती अशी की, गंगापूरी येथील ज्ञानेश्वर रामकृष्ण पवार यांच्या गोठ्यात बुधवारी रात्री गाईसोबत एक वर्षाचा गोऱ्हा बांधलेला होता. रात्रीच्या सुमारास बिबट्याने त्याच्यावर हल्ला करून त्याला ठार केले आहे, सकाळी शेतकरी रामकृष्ण पवार आपल्या गोठ्यात गेले असता हा प्रकार उघडकीस आला, दरम्यान वनविभागाने घटनास्थळी भेट दिली आहे, वनपाल पी जे सोनवणे,वन रक्षक सुप्रिया देवरे आणि वनमजूर ज्ञानेश्वर पाटील यांनी भेट देत पाहणी केली असता त्या ठिकाणी बिबट्याचे ठसे आढळून आले आहेत. पातोंडा येथील पशु वैद्यकीय अधिकाऱ्यांनी गोऱ्याचे शवविच्छेदन केले असून वनविभागाने पंचनामा केला आहे. गंगापुरी परिसरात वन विभागाने रात्री गस्त घालावी अशी मागणी होत आहे तर वन विभागाने गंगापुरी परिसरातील शेतकऱ्यांनी आणि ग्रामस्थांना सावध राहण्याचा इशारा दिला आहे.
