परिसरात भीतीचे वातावरण, ग्रामस्थांमध्ये निर्माण झाली घबराट…
अमळनेर:- तालुक्यातील मुंगसे येथील गावालगत खळवाडीत बिबटयांच्या हल्यात दोन ते तीन वासरांचा फरशा पडून मृत्यू झाला आहे. त्यामुळे परिसरात भितीचे वातावरण असून ग्रामस्थांमध्ये घबराट निर्माण झाली आहे.
मुंगसे येथील भागवत यादव कोळी यांचे राहत्या घराच्या मागील बाजुस गुराचा गोठा असून त्यांत गाय बैलजोडी वासरे असे बांधले होते. त्यांतून तीन ते चार वर्षाचे वासरांचा बिबट्यांने फडशा पाडला आहे. दोनच दिवसांपूर्वी गंगापुरी येथे बिबटाने हल्ला करून गोऱ्ह्याचा फडशा पाडला होता. वनविभागाच्या कर्मचाऱ्यांनी भेट देऊन पंचनामा केला आहे. बिबटयाचा वावर असल्यांने मजुर वर्गही भिती पोटी शेतात जात नसल्याने घबराट निर्माण झाली असून शेतीकामे खोळंबली आहेत.
