अमळनेर:- ग्राम विकास मंडळ संचलित क्रांतिवीर नवलभाऊ कला महाविद्यालयाच्या ग्रंथपाल प्रा. सुजाता निकम यांनी ग्रंथालय शास्त्र व माहितीशास्त्र या विषयात पीएचडी पदवी मिळाली.
प्रा. सुजाता निकम यांनी जळगाव जिल्ह्यातील महाविद्यालयीन वाचनकर्त्याच्या सवयी मधील ग्रंथालयाचा सहभाग या विषयावर अलिगड विद्यापीठातील डॉ अमजद अली व कुसुंबा येथील डॉ अनिल चौधरी यांच्या मार्गदर्शनाखाली सतत सहा वर्ष अथक परिश्रम घेऊन संशोधन कार्य पूर्ण केल्याने राजस्थान मधील जेजेटी विद्यापीठाने त्यांना पी एचडी पदवी प्रदान केली.यावेळी ग्राम विकास मंडळचे अध्यक्ष विजय नवल पाटील, यांनी त्यांचे अभिनंदन केले. तसेच कॉलेजचे प्राचार्य डॉ. विजय उबाळे व प्राध्यापक वृंद सह शिक्षकेत्तर कर्मचारी यांनी त्यांचे शाल व श्रीफळ देऊन सन्मान केला. त्यांच्या यशाबद्दल विविध स्तरावरून कौतुक करून अभिनंदन करण्यात येत आहे.त्या पत्रकार प्रा. डॉ. विजय गाढे यांच्या अर्धांगिनी आहेत.
