बाबा रामदेवजी हरी हर कुटीया आश्रमात दिवसभर विविध कार्यक्रम
अमळनेर:- तालुक्यातील कळमसरे येथे कपिलेश्वर रस्त्यावर असलेल्या बाबा रामदेवजी हरी हर कुटीयाच्या प्रांगणात दिनांक 14 रोजी हरी हर महायज्ञाचे आयोजन द्वारकाधीश बाबा रामदेव भक्त मंडळ कळमसरे कडून करण्यात आले आहे या महायज्ञास संत सखाराम महाराज व कपिलेश्वर मठाचे मठाधीपती महामंडलेश्वर हंसानंद महाराज यांच्यासह संत मंडळी उपस्थित राहणार असून या कार्यक्रमाचा लाभ घेण्याचे आवाहन मंडळाकडून करण्यात आले आहे,
यात दिवसभर विविध कार्यक्रम होणार असून सकाळी 8 वाजता धर्मध्वजची स्थापना संत मंडळी कडून करण्यात येईल तर 9 वाजता मुख्य देवतेची स्थापना करून हवन सुरु होईल व सायंकाळी 6 वाजता पूर्णहुती महाआरती होऊन सायंकाळी 6 ते आठ महाप्रसाद भक्तांना वाटप करण्यात येईल, रात्री 8 ते 12 हभप बाबुलाल शर्मा यांची टीम भजन संध्या सादर करतील आणि शेवटी रात्री 12 वाजता हरी हर पूजन आरती होऊन कार्यक्रमाची सांगता होईल, कार्यक्रमास नांदेड येथिल श्रीराम मंदिराचे महत कृष्णदास महाराज व नंदगाव येथिल श्रीराम मंदिराचे महंतं ईश्वरदास महाराज यांची विशेष उपस्थितीत कार्यक्रम संपन्न होणार आहे तरी भाविकांनी उपस्थिती राहुन कार्यक्रम व महाप्रसादाचा लाभ घेण्याचे आवाहन संत रामदेव महाराज भक्त मंडळाकडून करण्यात आले आहे, कार्यक्रची जय्यत तयारी करण्यात आलेली असून गुजरात व मध्यप्रदेश, मुंबई पुणे येथिल भाविक आधीच दाखल झाले आहेत
