अमळनेर : तालुक्यातील निंभोरा येथील डॉ.श्यामाप्रसाद मुखर्जी शिक्षण संस्था अमळनेर नानासाहेब उत्तमराव पाटील प्राथमिक आश्रम शाळा इ ६ वीचा विद्यार्थी चि.आदित्य तानाजी ताकमारे याने गोरखपूर उत्तरप्रदेश येथे पार पडलेल्या राष्ट्रीय कुस्ती स्पर्धेत प्रथम क्रमांकाने विजयी होऊन सुवर्ण पदक पटकावले आहे. उत्तरप्रदेशच्या समीरवर त्याने एकतर्फी मात करत १०-० ने विजय मिळवला. राष्ट्रीय कुस्ती स्पर्धेत ३५ किलो वयोगटात प्रथम क्रमांकाने यश मिळवून आंतरराष्ट्रीय स्पर्धेसाठी त्याची निवड झाली आहे.
त्याला मुख्याध्यापक प्रदीप शांताराम सोनवणे यांचे मार्गदर्शन लाभले. या निवडीबद्दल त्याचे सर्व स्तरावरून कौतुक होत आहे. संस्थेचे अध्यक्ष,उपाध्यक्ष,सचिव सर्व संस्थाचालक,मुख्याध्यापक,शिक्षक ,शिक्षकेतर कर्मचारी यांनी त्यांचे अभिनंदन केले आहे.
