
अमळनेर:- तालुक्यातील सडावण पारोळा रस्त्यावर अनधिकृत गौण खनिज रेती वाहतूक करणारे ट्रॅक्टर महसुलच्या पथकाने पकडून तहसील कार्यालयात जमा केले आहे.

उपविभागीय अधिकारी नितीनकुमार मुंडावरे तसेच तहसीलदार रुपेश कुमार सुराणा यांच्या मार्गदर्शनाखाली काम करत असलेल्या महसुलच्या पथकाला अनधिकृत गौण खनिज रेती वाहतूक करणारे ट्रॅक्टर आढळल्याने ते पकडण्यात आले. सदर ट्रॅक्टर मुद्देमालासह अमलनेर तहसील कार्यालय येथे जमा करण्यात आले. पथकात पी. एस. पाटील मंडळ अधिकारी वावडे भाग, आशिष पारधे ग्राम महसूल अधिकारी वावडे~सारबेट, जितेंद पाटील ग्राम महसूल अधिकारी मांडळ~शिरसाले बु, सचिन बमनाथ ग्राम महसूल अधिकारी करणखेड़ा, अमोल चक्रे ग्राम महसूल अधिकारी जवखेड़े हे होते.
