अमळनेर(प्रतिनिधी) – ” यारा तेरी यारी को, मैने तो खुदा माना ” असे म्हणत स्व.श्री .मधुसूदन सुरजमल मुंदडा माध्यमिक विद्यालयातील सन २०१३-१४ च्या दहावीच्या बॅचच्या माजी विद्यार्थ्यांनी एकत्र येऊन गुरुजनांप्रती व शाळेप्रती कृतज्ञता व्यक्त केली .
यावेळी विद्यार्थ्यांनी शालेय जीवनाच्या आठवणींना उजाळा दिला तसेच सर्वच वर्गमित्र एकत्र आल्याने प्रत्येकाच्या चेहऱ्यावर एक वेगळाच आनंद जाणवत होता . त्यानंतर पुढील कार्यक्रम हा खळेश्वर महादेव मंदिरातील हॉलमध्ये पार पडला .
यावेळी मुंदडा फाउंडेशनचे अध्यक्ष प्रकाशभाऊ मुंदडा व मुंदडा फाउंडेशनचे संचालक योगेशभाऊ मुंदडा प्रमुख अतिथी होते.
अश्विनी सुतार हिने प्रास्ताविक पर मनोगतातून सोशल मीडियाच्या माध्यमातून एकत्र येऊन या स्नेहसंमेलनाचे आयोजन केले . व या संमेलनातूनच मैत्री वृद्धिंगत होत असल्याचे सांगितले . गीतांजली पाटील ,तेजल बोरसे, किरण चौधरी,विनोद महाजन या विद्यार्थ्यांनी आपल्या मनोगतातून जुन्या शालेय आठवणींना वाट मोकळी करून दिली तसेच शालेय जीवनातील अनेक प्रसंग त्यांनी सांगितले.
यावेळी मुख्याध्यापक धनराज महाजन , नेहा पाटील,सुनिल पाटील,किशोर पाटील, राजेंद्र महाजन यांनी विद्यार्थ्यांना मार्गदर्शन केले व पुढील भावी वाटचालीसाठी शुभेच्छा दिल्या .
कार्यक्रमाचे अध्यक्ष प्रकाशभाऊ मुंदडा यांनी सध्याच्या गतिमान जीवनातील शिक्षणाचे महत्त्व सांगितले . शाळेतील माजी विद्यार्थ्यांचा स्नेह मेळावा पहिल्यांदाच होत असल्याचे सांगून सर्व माजी विद्यार्थ्यांनी आपल्या शाळेप्रती जे प्रेम दाखवले त्याबद्दल त्यांचे कौतुक केले .सोशल मीडिया, जीवनातील व्यायामाचे महत्व ,मैत्री ही कशा प्रकारची असली पाहिजे . यांच्या विषयी त्यांनी मार्गदर्शन केले. माजी विद्यार्थ्यांनी शाळेला डायस भेटवस्तू म्हणून दिले .
कार्यक्रमास शिक्षकेत्तर कर्मचारी सुनिल बोरसे ,धर्मेंद्र साळुंखे , रविंद्र चौधरी व भरत पाटील उपस्थित होते .
जयेश जगताप व प्रिया सोनार यांनी सूत्रसंचालन केले .
स्नेहमेळावा कार्यक्रम यशस्वी होण्यासाठी सुर्यकांत महाजन, दिपक पाटील, शुभम पाटील, अलीम पठाण, कृष्णा सुतार, सागर चौधरी , अनिल महाजन, जगदीश महाजन,कमलेश महाजन,विवेक बोरसे, प्रियंका चौधरी, रूपाली महाजन ,आरती सोनार , सोनाली पंजवानी, सुष्मा महाजन यांचे सहकार्य लाभले .
