अमळनेर:- तालुक्यातील खेडी व्यवहारदळे येथे गुरे चारण्यासाठी गेलेल्या ५६ वर्षीय इसमाचा तलावात बुडून मृत्यू झाल्याची घटना १ रोजी घडली आहे.
१ रोजी सकाळी ९ वाजता आनंद सोनू मालचे (वय ५६) हे गावातील शेतकऱ्याची म्हशी चरायला घेऊन गेले होते. त्यानंतर त्यांच्या चपला व पिशवी काठावर आढळून आल्या, मात्र ते दिसून न आल्याने इतरांना शंका आल्याने त्यांनी त्यांच्या नातेवाईकांना व पोहणाऱ्यांना बोलवून तलावात शोध घेतला असता त्यांचा मृतदेह तलावात आढळून आला. म्हशी तलावात पाणी पिण्यासाठी गेल्या होता, त्यांना काढण्यासाठी ते उतरले असता त्यांचा बुडून मृत्यू झाल्याची माहिती गावकऱ्यांनी दिली आहे. याप्रकरणी अमळनेर पोलिसात अकस्मात मृत्यूची नोंद करण्यात आली असून पुढील तपास पीएसआय रामकृष्ण कुमावत हे करीत आहेत.
