अमळनेर : मुख्यमंत्री समृद्ध पंचायतराज अभियानाचा बिगुल १७ सप्टेंबरपासून वाजणार असून, यापूर्वीच शिरूड गावात जनजागृतीसाठी दिनांक १६ सप्टेंबर रोजी शालेय मुलांच्या सहभागाने उत्साहपूर्ण प्रभात फेरी आयोजित करण्यात आली.
सदर फेरीत बैलगाडीवरील रंगीबेरंगी चित्ररथ सजवण्यात आला, ज्यात गावातील लोकांच्या सहभागाचे प्रतीक म्हणून विविध वेशभूषा घालून विद्यार्थी बसवले गेले होते. तसेच अभियानात लावल्या जाणाऱ्या वृक्षांच्या रूपातील पालखीतील दिंडी काढण्यात आली आणि गावातील महिलांनी रोपांची पूजा करून शुभेच्छा दिल्या.
मुख्य रस्त्यांवरून मार्गक्रमण करताना विद्यार्थ्यांनी गावकऱ्यांना स्पर्धेत सहभागी होण्याचे आणि अभियानाचा संदेश घराघरात पोहोचवण्याचे आवाहन केले. प्रभात फेरीची सांगता ग्रामपंचायत कार्यालयाजवळ झाली, जिथे विद्यार्थ्यांना अभियान यशस्वी करण्यासाठी प्रयत्न करण्याचे आणि अधिकाधिक लोकांचा सहभाग वाढवण्याचे संदेश दिले गेले. प्रभात फेरीत प्राथमिक व माध्यमिक शाळेतील मुख्याध्यापक, शिक्षक , विद्यार्थी ग्रामपंचायत सरपंच, उपसरपंच, सदस्य, ग्रामसेवक, कर्मचारी तसेच गावातील पुरुष व महिला मंडळ मोठ्या संख्येने सहभागी झाले. फेरीत उत्साह आणि सहभागाचा आनंद सर्वत्र दिसून आला, आणि गावभर अभियानाची जागरूकता पसरली.
