विद्यार्थ्यांची सजवलेल्या बैलगाडीतून काढली मिरवणूक….
अमळनेर:- तालुक्यातील सुंदरपटटी येथील जि.प. शाळेत जून 2022 मध्ये इ. 1 लीत दखलपात्र विद्यार्थ्यासाठी शाळापूर्व तयारी मेळाव्याचे आयोजन करण्यात आले होते. सदर प्रसंगी दाखलपात्र विद्यार्थ्यांची बैलगाडीतून मिरवणूक व पालक जागृती अभियान अंतर्गत प्रभातफेरी काढण्यात आली.
कार्यक्रमाच्या अध्यक्षस्थानी गावाचे लोकनियुक्त सरपंच सुरेश अर्जुन पाटील हे होते. प्रमुख अतिथी म्हणून मेळावा भेटीसाठी पं.स. अमळनेर येथील विस्तार अधिकारी व्ही.एस. बैसाणे उपस्थित होते.अध्यक्ष व व्यासपीठावरील मान्यवरांच्या हस्ते मेळाव्याचे फित कापून उदघाटन करण्यात आले. तसेच सेल्फी पॉईंटचे देखील फित कापून उदघाटन केले. मेळाव्या मध्ये दखलपात्र विद्यार्थ्यासाठी सात प्रकारचे स्टॉलची मांडणी करण्यात आली. यात प्रत्येक दाखलपात्र विद्यार्थीकडून विविध कृती करून घेण्यात आल्या. व्ही.एस बैसाणे व कार्यक्रमाचे अध्यक्ष सुरेश पाटील यांनी मार्गदर्शन केले. प्रसंगी शाळा व्यवस्थापन समिती अध्यक्ष श्री. दत्तात्रय पा. व सर्व सदस्य, अंगणवाडी सेविका, मदतनिस, सुनंदाताई पाटील, सर्व स्वयंसेवक, केंद्रप्रमुख विश्वास पाटील तसेच ग्रा.प. सदस्य व ग्रामस्थ बंधू, भगिनी तसेच पालक बंधू, भगिनी व शाळेतील सर्व विद्यार्थी उपस्थित होते. कार्यक्रमाचे प्रास्ताविक मुख्या. संजय जगताप सर यांनी केले. सूत्रसंचलन विश्वास पाटील सर यांनी केले. तसेच संपूर्ण मेळावा यशस्वी करण्यासाठी शाळेतील ज्येष्ठ शिक्षिका जयश्री बारड मॅडम व श्रीम. स्मिता सोनवणे मॅडम तसेच मेळाव्यासाठी नियुक्त केलेले स्वयंसेवक यांनी अथक परिश्रम घेतले. शेवटी आभाराचा कार्यक्रम होवून मेळाव्याची सांगता करण्यात आली.
