भाजपा युवा मोर्चाचे मुख्याधिकाऱ्यांना निवेदन
अमळनेर – शहरातील इस्लामपुरा भागात लावण्यात आलेल्या टिपू सुलतान यांच्या फलकाविरोधात भाजप युवा मोर्चाने तीव्र निषेध व्यक्त करत तो तात्काळ हटवण्याची मागणी केली आहे. याबाबत भाजप युवा मोर्चाचे सरचिटणीस राहुल मगन चौधरी यांच्या नेतृत्वाखाली मुख्याधिकारी गणेश शिंदे यांना निवेदन देण्यात आले.
निवेदनात म्हटले आले की, शहरातील इस्लामपुरा परिसरात टिपू सुलतान यांच्या नावाचा लावण्यात आलेला फलक कोणतीही अधिकृत परवानगी न घेता उभारण्यात आला आहे. सार्वजनिक ठिकाणी कोणताही फलक किंवा नामफलक लावताना संबंधित प्रशासनाची पूर्वपरवानगी घेणे आवश्यक असते. फलक लावताना नियमांचे उल्लंघन करून लावण्यात आल्याने अशा प्रकारच्या वादग्रस्त फलकांमुळे शहरातील काही समाजघटकांच्या भावना दुखावल्या जाऊ शकतात आणि त्यामुळे सामाजिक सलोखा व कायदा-सुव्यवस्थेचा प्रश्न निर्माण होण्याची शक्यता आहे. शहरात सर्व समाजामध्ये शांतता, सलोखा आणि परस्पर आदर कायम राहणे अत्यंत महत्त्वाचे असल्याचेही यावेळी सांगण्यात आले.
इस्लामपुरा भागात लावण्यात आलेला टिपू सुलतान यांचा फलक तात्काळ काढण्यात यावा तसेच भविष्यात अशा प्रकारचे वादग्रस्त फलक परवानगीशिवाय लावले जाणार नाहीत यासाठी संबंधितांवर योग्य ती कारवाई करण्यात यावी, अशी मागणी भाजप युवा मोर्चाच्या वतीने करण्यात आली आहे यावेळी दीपक भोई, दीपक पवार, समाधान पाटील, शिवकिरण बोरसे, कल्पेश पाटील, सौरभ पाटील, बजरंग दलाचे नितेश कामदार, सुमित राजपूत, नलेश पाटील, मनोज महाजन, अमोल महाजन, हितेश माळी, अनिरुद्ध शिसोदे, शुभम पवार, परेश जोशी, कुणाल शाह, गौरव विसपुते, प्रसाद भामरे, सागर शेटे, हर्षल शिंपी, राजेश खरारे, दुर्गेश सोनवणे उपस्थित होते.
