शहरातील स्वच्छतेकडे पालिका प्रशासनाच्या दुर्लक्षामुळे नागरिकांचे हाल…
अमळनेर:- शहरात सध्या घाणी आणि प्रशासनाच्या दुर्लक्षामुळे नागरिकांचे हाल होत आहेत. मोठ्या नाल्या आणि गटारांची अनेक दिवसांपासून सफाई न झाल्याने परिसरात मच्छरांचा प्रकोप मोठ्या प्रमाणात वाढला आहे.
स्थानिक नागरिकांच्या म्हणण्यानुसार, गटारांमध्ये साचलेले घाण पाणी आणि कचरा हे मच्छर वाढण्याचे मुख्य कारण ठरत आहे. यामुळे लहान मुले आणि ज्येष्ठ नागरिकांच्या आरोग्यावर गंभीर परिणाम होत असून अनेक मुले ताप आणि इतर आजारांनी त्रस्त आहेत.
नागरिकांनी सांगितले की, या समस्येबाबत अमलनेर नगर परिषद यांना अनेक वेळा कळवण्यात आले आहे. मात्र अद्याप कोणतीही ठोस कारवाई करण्यात आलेली नाही. नाल्यांची नियमित सफाई आणि औषध फवारणी न झाल्याने परिस्थिती दिवसेंदिवस गंभीर होत आहे.
शहरवासीयांनी प्रशासनाकडे तात्काळ स्वच्छता मोहीम राबवावी, गटारांची दुरुस्ती करावी आणि मच्छर नियंत्रणासाठी औषध फवारणी करावी, अशी मागणी केली आहे. वेळेत उपाययोजना न केल्यास ही समस्या मोठ्या आरोग्य संकटात रूपांतरित होऊ शकते, असा इशाराही नागरिकांनी दिला आहे. तसेच, लवकरात लवकर कारवाई न झाल्यास नागरिक सामूहिक आंदोलन छेडण्याचा इशाराही देत आहेत.
