गडखांब ते दहीवद फाट्यादरम्यान घडली घटना…
अमळनेर:- तालुक्यातील पातोंडा येथे आत्याकडे जाणाऱ्या तरुणाचा गडखांब ते दहीवद फाट्यादरम्यान अपघात होवून मृत्यु झाल्याची घटना काल दि. ३ रोजी घडली आहे.
याबाबत अधिक माहिती अशी की, मालेगाव तालुक्यातील झोडगे जवळील घोगळवाड येथील प्रितेश संजय निकम हा पातोंडा येथे आत्याकडे काही वस्तू घेवून येत असताना चोपडा नासिक बस क्रमांक एमएच १४ बीटी ३६२९ या बसने ओव्हरटेक करण्याच्या नादात प्रितेशच्या दुचाकीला जोरदार धडक दिल्याने त्याचा जागीच मृत्यू झाला. मागील वर्षी अपघातातच त्याच्या कुटुंबातील काही सदस्याचा मृत्यू झाल्याची दुर्दैवी घटना घडली होती.
